Co obxectivo de dar visibilidade ao talento emerxente e ofrecer ao público a oportunidade de descubrir e gozar das obras de autores e autoras noveles, o sábado celebraremos o noso Concurso de Curtametraxes.

Durante a sesión proxectaranse as curtas seleccionadas, entre as que o público asistente elixirá, mediante votación, a gañadora do Premio do Público.

Ademais, un xurado profesional outorgará o Premio Deleite, un recoñecemento á excelencia artística e técnica da mellor curtametraxe segundo o seu criterio especializado.